*गोदावरी टाइम्स - दिल्ली ब्रेकिंग*
*नवी दिल्ली | १० ऑक्टोबर | गोदावरी टाइम्स*
सुप्रीम कोर्टाच्या आदेशाला दिल्ली पोलिसांनी केराची टोपली दाखवल्याचा आरोप करत थेट सुप्रीम कोर्टातच *अवमानना याचिका (Contempt Petition)* दाखल झाली आहे.
CJP आंदोलनाच्या पार्श्वभूमीवर मेट्रो-रेल्वे सेवा बंद केल्याप्रकरणी ही याचिका दाखल करण्यात आली आहे.
*कोणाविरोधात याचिका?*
वकील शैलेन्द्र मणी त्रिपाठी यांनी ही याचिका दाखल केली असून यात तिघांना आरोपी केले आहे:
१) गोविंद मोहन - केंद्रीय गृह सचिव
२) अनुराग कुमार - दिल्ली पोलीस आयुक्त
३) डी. थारा - DMRC चेअरपर्सन
*नेमकं प्रकरण काय?*
*काल SC काय म्हणाले होते?* सरन्यायाधीश सूर्यकांत यांच्या खंडपीठाने ९ ऑक्टोबरला स्पष्ट आदेश दिला होता - _"सुरक्षेच्या नावाखाली पूर्ण मेट्रो-रेल्वे बंद करू नका. छोट्या समस्येसाठी हातोडा वापरू नका. नियंत्रित पद्धतीने सेवा सुरू ठेवा."_
*पोलिसांनी काय केले?* आदेशानंतरही दिल्ली पोलिसांच्या सांगण्यावरून DMRC ने *४५ ते ५७ मेट्रो स्टेशन्सचे गेट रात्री ९ ते आज संध्याकाळी ६ पर्यंत बंद* ठेवले. नवी दिल्ली आणि निजामुद्दीन स्टेशनवर २००+ ट्रेन रद्द केल्या.
याचिकाकर्त्याने म्हटले - मी स्वतः रात्री ९:३० वाजता GTB नगर स्टेशनवर गेलो, गेटला कुलूप होते. हा SC च्या आदेशाचा *जाणूनबुजून केलेला भंग (Willful Disobedience)* आहे.
*मागणी काय?*
या अधिकाऱ्यांवर अवमानना कारवाई करा आणि मेट्रोवरील सरसकट बंदी तातडीने उठवून नियंत्रित वेळापत्रक जाहीर करा, अशी मागणी याचिकेत आहे.
दरम्यान, यापूर्वीच SC ने दिल्ली पोलिसांना "आंदोलकांना हाताळण्यासाठी फ्री हँड द्या" ही मागणी फेटाळत म्हटले होते - "समोर युवा छात्र आहेत, त्यांचे भविष्य पाहा, त्यांना कोर्टाच्या चक्रव्यूहात अडकवू नका."
Post a Comment
0 Comments