*गोदावरी टाइम्स - ब्रेकिंग*
*मुंबई | १९ ऑक्टोबर | गोदावरी टाइम्स*
बॉलिवूड अभिनेता टायगर श्रॉफवरील गोळीबार प्रकरणात मुंबई पोलिसांना मोठे यश मिळाले आहे. या प्रकरणात *२ आरोपींना ताब्यात* घेण्यात आले असून, हल्ल्यासाठी वापरलेली *पल्सर मोटरसायकल अंधेरी पश्चिम रेल्वे स्थानकाजवळ* सोडलेल्या अवस्थेत सापडली आहे.
*कशी झाली कारवाई?*
- पोलिसांना सीसीटीव्हीमध्ये दिसले की, हल्लेखोरांनी जुहू येथील पुष्पा नरसी पार्कजवळ गोळीबार केल्यानंतर मोटरसायकलने थेट अंधेरी पश्चिम स्थानक गाठले.
- तिथे त्यांनी बाईक एका बीट चौकीजवळ अंधारात सोडली आणि ट्रेनने पळ काढण्याचा प्रयत्न केला.
- मुंबई पोलिसांच्या १५ टीम्सनी कुर्ला, वांद्रे, कल्याण, दादर स्थानकांवर सापळा रचला होता. अखेर *सुरतच्या दिशेने जाणाऱ्या एक्सप्रेस ट्रेनमधून* २ संशयितांना चौकशीसाठी ताब्यात घेण्यात आले.
- पोलिस फेशियल रेकग्निशन सॉफ्टवेअरच्या मदतीने सीसीटीव्ही फुटेज तपासत आहेत.
*गुन्हा कसा घडला?*
- रविवारी संध्याकाळी ७ वाजता टायगर फुटबॉल खेळून परत येत असताना ३ हल्लेखोर मोटरसायकलवर आले. त्यांनी *५ राऊंड फायर* केले.
- टायगर थोडक्यात बचावला. त्याच्या ड्रायव्हर फिरदौसच्या डाव्या हाताला गोळी लागली असून तो नानावटी रुग्णालयात उपचार घेत आहे. दुसरा जखमी रिक्षा चालक असल्याचे सांगण्यात येते.
- तपासात समोर आले आहे की, बंदूक दोन वेळा जाम झाल्यामुळे टायगर वाचला, नाहीतर गोळी अगदी जवळून लागली असती.
*लॉरेन्स बिश्नोई कनेक्शन?*
अनिल पंडित आणि हरमन संधू यांनी बिश्नोई गँगच्या नावाने या हल्ल्याची जबाबदारी घेतली आहे. या प्रकरणाचा तपास आता मुंबई क्राईम ब्रांचकडे सोपवला जाण्याची शक्यता आहे. जुहू पोलिसांनी BNS १०९(१) (हत्येचा प्रयत्न) आणि शस्त्र कायद्याअंतर्गत गुन्हा दाखल केला आहे.
पोलिसांनी बाईकच्या नंबर प्लेट, चेसिस नंबरवरून मालकाचा शोध सुरु केला असून, बाईकचा तिसरा मालक असल्याचे समोर आले आहे.
*पुढील अपडेटसाठी वाचत रहा - गोदावरी टाइम्स.*
Post a Comment
0 Comments