*हेडलाईन: दोन निवडणूक आयुक्तांपाठोपाठ न्यायाधीशांची नाराजीही समोर; निवडणूक आयोगाच्या कामकाजावर पुन्हा प्रश्नचिन्ह...*

*नवी दिल्ली | 6 ऑक्टोबर 2026 | गोदावरी टाइम्स*

केंद्रीय निवडणूक आयोगाच्या कामकाजावर पुन्हा एकदा गंभीर प्रश्नचिन्ह निर्माण झालं आहे. दोन निवडणूक आयुक्तांच्या नाराजीनंतर आता सर्वोच्च न्यायालयाच्या मुख्य न्यायाधीशांची नाराजीही समोर आली आहे.

*काय आहे प्रकरण?*

निवडणूक आयुक्त *सुखबीर सिंग संधू आणि विवेक जोशी* यांनी गेल्या 10 महिन्यात तब्बल *14 वेळा* मुख्य निवडणूक आयुक्त *ज्ञानेश कुमार* यांच्या निर्णयांवर लेखी आक्षेप नोंदवला आहे.

आयुक्तांचा आरोप आहे की, बैठकांपूर्वी अजेंडा दिला जात नाही, बैठकीनंतर इतिवृत्त दिलं जात नाही, आणि IT मॉड्यूल, परदेश दौरे यासारखे निर्णय त्यांना न विचारताच घेतले जातात. ही माहिती त्यांना प्रसारमाध्यमांतून कळते.

*न्यायाधीशही नाराज - फॉर्म-6 वाद*

आता याच वादात सुप्रीम कोर्टाची एन्ट्री झाली आहे. *सुधारित फॉर्म-6* ला सर्वोच्च न्यायालयाने मंजुरी दिल्याचा निवडणूक आयोगाचा दावा *मुख्य न्यायाधीश सूर्यकांत* यांनी सोमवारी सुनावणीत फेटाळून लावला.

CJI सूर्यकांत म्हणाले, "सुधारित फॉर्म-6 ला न्यायालयाने कोणतीही मंजुरी दिलेली नाही."

नव्या फॉर्ममध्ये नवीन मतदारांना त्यांच्या पालकांचं किंवा आजी-आजोबांचं नाव 2002 च्या जुन्या मतदार यादीत होतं का? हे विचारलं जात आहे. यावरच संधू आणि जोशी यांनी आक्षेप घेतला होता.

*पुढे काय?*

सुप्रीम कोर्टाने CEC ज्ञानेश कुमार यांना नोटीस बजावली असून पुढील सुनावणी महत्त्वाची ठरणार आहे. विरोधकांनी CEC च्या महाभियोगाची मागणी केली आहे.