* UPI MDR वर अर्थमंत्री निर्मला सीतारमण यांचे स्पष्टीकरण*

गोदावरी टाइम्स बातमी

*नवी दिल्ली, 25 सप्टेंबर* - UPI वर शुल्क लागणार या अफवेवर अर्थमंत्री निर्मला सीतारमण यांनी पूर्णविराम दिला आहे. "हा टॅक्स नाही, सेस नाही, सरचार्ज नाही, आणि यातून एक रुपयाही सरकारच्या तिजोरीत जाणार नाही," असे त्यांनी PTI ला दिलेल्या मुलाखतीत सांगितले.

*नवा नियम काय आहे?*

NPCI ने 15 सप्टेंबरला काढलेल्या परिपत्रकानुसार 15 ऑक्टोबर 2026 पासून फक्त *2,000 रुपयांवरील दुकानदारांकडील (P2M) व्यवहारांवर 0.4% MDR* लागेल.

- *उदा:* 10,000 रुपयांच्या खरेदीवर 40 रुपये MDR

- 75,000 रुपयांवरील व्यवहारावर जास्तीत जास्त 300 रुपये मर्यादा

- *कोणते व्यवहार फ्री?* 2,000 रुपयांपर्यंतचे सर्व व्यवहार आणि व्यक्ती-व्यक्तींमधील (P2P) पैसे पाठवणे पूर्णपणे मोफतच राहील. सरकारच्या मते 96% पेमेंटवर परिणाम नाही.

*ग्राहकांना फटका नाही -* हा चार्ज दुकानदार सहन करणार, जसा ते क्रेडिट-डेबिट कार्डवर करतात. बँका आणि पेमेंट कंपन्यांमध्ये हा पैसा वाटला जाईल - UPI प्रणाली मजबूत करण्यासाठी.

विरोधकांनी न समजता आरोप केल्याचा टोलाही सीतारमण यांनी लगावला.