मुख्यमंत्र्यांच्या ऑफिसवर CBI चा छापा! OSD वर गुन्हा दाखल, राजकारणात मोठा भूकंप

चंदीगड | 6 ऑक्टोबर 2026 | गोदावरी टाइम्स

देशाच्या राजकारणात मोठा भूकंप! पंजाबचे मुख्यमंत्री भगवंत मान यांच्या कार्यालयावर आणि त्यांचे विशेष कार्य अधिकारी (OSD) राजबीर सिंग घुमान यांच्या घरावर CBI ने आज संध्याकाळी 6 वाजता एकाच वेळी छापे टाकले आहेत.

काय आहे प्रकरण?

पंजाब आणि हरियाणा हायकोर्टाच्या आदेशानंतर ही कारवाई करण्यात आली आहे. आरोप असा आहे की:

• वरिष्ठ अधिकाऱ्यांच्या बदल्या आणि पोस्टिंगमध्ये मोठा भ्रष्टाचार
• जमिनीचे CLU आणि सरकारी कामांमध्ये कोट्यवधींचा गैरव्यवहार
• शस्त्र परवाना वाटपात पैशांची देवाणघेवाण

या सर्वात थेट OSD राजबीर घुमान यांचा हात असल्याचा आरोप अॅड. निखिल सराफ यांनी जनहित याचिकेत केला होता.

3 वेळा पत्रं, तरीही कारवाई नाही - ED चा आरोप:

ED ने पंजाबच्या DGP ला 3 वेळा पत्र लिहून कठोर कारवाईची मागणी केली होती, पण पंजाब पोलिसांनी काहीच केले नाही. त्यामुळे हायकोर्टाने संताप व्यक्त करत तपास थेट CBI कडे दिला आहे आणि 2 महिन्यांत अहवाल सादर करण्याचे आदेश दिले आहेत.

भगवंत मान यांचा पलटवार:

"भाजपने पंजाब निवडणुकीची तयारी सुरू केली आहे. आम्हाला बदनाम करण्यासाठी CBI-ED चा वापर होतोय. पंजाबच्या जनतेचं प्रेम बघून भाजप बिथरला आहे." - भगवंत मान

विधानसभा निवडणूक तोंडावर असतानाच हा छापा पडल्याने पंजाबमध्ये राजकीय वातावरण चांगलंच तापलं आहे.